الرجيم الاتكينز

السلام عليكم ورحمة الله وبركاته

لقيت الكيتو دايت صعبة عليك.إليك في  هذا المقال راح تتعرف على كل شي عن رجيم الاتكينز دايت او دايت البروتين يلي بتوعد بخسارة وزن كبيرة وبطريقة مرنة جدا. راح نقارن بينه وبين الكيتو دايت ونشوف مين الافضل. وراح نضيف برنامج غذائي تفصيلي عن  هذا الرجيم  لنقدر نجربه بسهولة.

وفي السنوات الاخيرة انعملت كثير دراسات على الرجيم  يللي ما بتعتمد على تحديد كمية السعرات الحرارية المسموح تناولها باليوم. وجدوا انه بعض هالرجيم  متل اتكنز والكيتو دايت. ممكن فعلا تساعد بخسارة الوزن بغض النظر عن كمية السعرات الحرارية .

في عام 1972 نشر الدكتور روبرت اتكنز كتابه عن هذا الرجيم . ولقى صدى انتشار واسع جدا لحد هذا اليوم. ومن وقتا اتعملت كثير ابحاث عن الرجيم بالذات. ويوجد لها عدة فوائد غير خسارة الوزن ، مثل خفض مستوى الشحوم الثلاثية وسكر الدم، ورفع مستوى الكوليسترول الجيد بالدم اتش دي ان، وعلى الرغم من انه متل ما رح نشوف حمية عالية محتوى الدهون. لكن ما تتسبب بارتفاع مستويات الكوليسترول السيئ ال دي ال بالدم. والسبب اجمالا بأنه الحميات اللوكارد منخفضة 

النشويات تساعد على خسارة الوزن ، هي أنه تخفيف كمية اللي بنتناولها باليوم وزيادة المدخول اليومي من البروتين ، بيترافق مع انخفاض كبير بالشهية  ، الامر ياللي يخليك تتناول سعرات اقل باليوم بدون ما تحس. 

ماهو رجيم اتكنز وكيف فينا نبدأ فيه ؟ رح نحاول نبسط الموضوع قدر الامكان. رجيم اتكنز يتألف من أربع مراحل لازم تمر فيهم حتى توصل لخسارة الوزن الموعودة. بداية لازم نحدد الوزن اللي حابين نوصل بنهاية هالرجيم  ونخليه ببالنا :

 وصفات اتكنز المرحلة الاولى

 مسموح بهالمرحلة بتناول 20-25 غرام نشويات باليوم ، وبتستمر هالمرحلة حتى نوصل لوزن 7 كيلو جرام فوق الوزن يللي حابين نوصل له .

مسموح بتناول الأغذية عالية البروتين عالية الدسم ، مسموح بتناول خضروات قليلة النشويات مثل الخضروات الورقية ، وهذه المرحلة تعتبر الزناد الحقيقي لانطلاق رحلة خسارة الوزن بالاتكينز دايت . 

المرحلة الثانية مرحلة التوازن :

 وبهالمرحلة مسموح تتناول 25 -50 غرام نشويات فقط باليوم الواحد ، وبتستمر حتى توصل فوق الوزن الهدف بــ 5 كيلو غرام ، وبهالمرحلة ندخل المكسرات وكمية قليلة من الفواكه لحميتك اليومية .

 المرحلة الثالثة مرحلة التعديلات البسيطة : 

بهالمرحلة لازم ترفع مدخول النشويات اليومي بحميتك لــ 8 غرام باليوم ، وبتستمر هالمرحلة لحتى ما توصل  للوزن يللي حددته ببداية الرجيم .

اتجارب رجيم اتكنز مرحلة الحث  

بهالمرحلة صار فيك تتناول 8% غرام  من النشويات باليوم. حتى تحافظ على الوزن يللي وصلت له ، وصار فيك ترجع لتناول بعض الاغذية النشوية الصحية يللي راح نذكرها بعد شوي. وطالما انت بهالمرحلة  أنت تحافظ على وزنك المثالي .

الاغذية المسموح تناولها :

تتشابه كثيرا مع  الرجيم الكيتو دايت وخصوصا بالمراحل الأولى. الاتكينز  مسموح بتناول الاغذية التالية :

لحوم بانواعها، اللحم الأحمر ولحم الطيور، الأسماك وخصوصا الدسمة مثل السلمون والتونة والسردين، البيض وياللي رح يكون مصدر مهم جدا الاوميغا ثري. الخضروات قليلة النشويات مثل السبانخ والبروكلي والهليون والكزبر.